Uhtuo (nykyjäh käytöššä olova virallini, neuvoštoaikani nimi on Kalevala) on Itä-Karjalašša olovan Kalevalan piirin (Vienan Karjalan keškioša) hallinnollini keškušpaikka. Še šijaiččou luonnonkaunehen, šuuren Keški-Kuittijärven rannalla n. 80 km itäh Šuomen rajašta Šuomuššalmen kunnan nuapurina.

Eläjyä Uhtuošša on noin 5000 ta koko Kalevalan piirissä noin 12.000. Karjalaisie on noin kolmanneš väkiluvušta ta karjalan kieltä, kumpani on hyvin lähellä šuomen kieltä, paissah alovehella vielä, parahittain vanhemman polvikunnan keškuuvvešša, niin äijän, jotta šillä ta šuomen kielellä tulou hyvin toimeh.

Melkein kaikilla karjalaista šukuo olovilla on heimolaisie Šuomešša johtuon vuuvven 1922 bol’šhevisoinnin jälkehiseštä pakolaisuuvvešta, konša alovehen eläjistä läheš puolet pakeni Šuomeh.

 

 

 

   

  Karjalan Šivissyššeura ry on kannattan kielenkiännöšruatuo
 Karjalan Sivistysseura ry on tukenut kielenkäännöksen tekemistä